DINI ILIYO SAFI NI IPI?



DINI ILIYO SAFI NI IPI?

     Karibu ndugu msomaji katika somo hili jipya ili upate kujifunza ipi ni Dini iliyosafi ambayo Mungu wetu anahitaji tumwabudu kwayo lakini kabla sijaendelea sana nikukaribishe kutembelea blog yangu kwa masomo mengi zaidi kwa kubonyeza www.injilikamiliyayesu.blogspot.com au kutembelea page ya Facebook “Injili Kamili YA YESU”. Karibuni sasa tuendelee na somo letu lenye kichwa kinachosema DINI ILIYO SAFI NI IPI? Tuanze kwa kuangalia maana halisi ya DINI.

   Dini ni utaratibu anaoutumia mwanadamu katika kumwabudu Mungu. Yaani hii tungeweza kusema ni kitu ambacho mwanadamu amekianzisha kwa akili zake kama sehemu ya kupitishia kusudi au haja zake kwa MUNGU.

   Zipo dini nyingi lakini hizi dini zote hutofautiana tu katika kitu kimoja ambacho ni “UTARATIBU/MFUMO” katika kuongoza na kumwongoza mwanadamu kuzungumza na Mungu.

   Swali: YESU kama mkombozi wa mwanadamu katika kazi ya kumkomboa mwanadamu  je! alianzisha na aliacha dini gani?

  Yesu hakuanzisha wala hakuacha dini yoyote ila aliikuta dini moja ya “KIYAHUDI” iliabudiwa na Wayahudi na ndio waliosema Asulibiwe kwa kumshudia uongo. MARKO 14:57-65 “Hata wengine wakasimama, wakamshuhudia uongo, wakisema, Sisi tulimsikia akisema, Mimi nitalivunja hekalu hili lililofanyika kwa mikono, na katika siku tatu nitajenga jingine lisilofanyika kwa mikono. Wala hata hivi ushuhuda wao haukupatana. Kisha Kuhani Mkuu akasimama katikati, akamwuliza Yesu, akisema, Hujibu neno? Hawa wanakushuhudia nini? Lakini akanyamaza, wala hakujibu neno. Kuhani Mkuu akamwuliza tena, akamwambia, Wewe ndiwe Kristo, Mwana wake Mtukufu? Yesu akasema, Mimi ndiye, nanyi mtamwona Mwana wa Adamu ameketi mkono wa kuume wa nguvu, akija na mawingu ya mbinguni. Kuhani Mkuu akararua nguo zake, akisema, Tuna haja gani tena ya mashahidi? Mmesikia kufuru yake; mwaonaje ninyi? Wote wakamhukumu kuwa imempasa kuuawa.  Wengine wakaanza kumtemea mate, wakamfunika uso, na kumpiga makonde, na kumwambia, tabiri. Hata watumishi nao wakampiga makofi”.

   Hata baada ya watumishi waliofuata baada yake walikuwa wakiabudu dini hii ya KIYAHUDI kama PAULO. GALATIA 1:14 “Nami naliendelea katika dini ya Kiyahudi kuliko wengi walio hirimu zangu katika kabila yangu, nikajitahidi sana katika kushika mapokeo ya baba zangu”.

  Lakini baada ya Paulo kuitwa na Bwana mambo yalibadilika wakaanza na kumshitaki. MATENDO 23:20-21 “Akasema Wayahudi wamepatana kukuomba umlete Paulo chini kesho, ukamweke mbele ya baraza, kana kwamba wataka kupata habari zake kwa usahihi zaidi. Basi wewe usikubali; kwa maana watu zaidi ya arobaini wanamwotea, wamefunga kwa kiapo wasile wala wasinywe hata watakapo mwua; nao sasa wako tayari, wakiitazamia ahadi kwako”.

   Ndipo Paulo anasema sijipendezi kwa wanadamu katika GALATIA 1:10 “Maana, sasa je! Ni wanadamu ninaowashawishi, au Mungu? Au nataka kuwapendeza wanadamu? Kama ningekuwa hata sasa nawapendeza wanadamu, singekuwa mtumwa wa Kristo”. 

    Ndipo Paulo anatuambia kutoka kwenye dini kuna faida kubwa GALATIA 1:15-16 “Lakini Mungu, aliyenitenga tangu tumboni mwa mama yangu, akaniita kwa neema yake, alipoona vema kumdhihirisha mwanawe ndani yangu, ili niwahubiri Mataifa habari zake; mara sikufanya shauri na watu wenye mwili na damu;” hapa Mungu hakutaka Paulo abakie katika dini bali afundishe mapenzi yake kwa watu waliopo katika dini.

    Swali: ndani ya dini kuna nini ambacho hakimpendezi Mungu, na nje ya dini kuna nini ambacho ndicho sisi tunatakiwa tukiendee? Je! watakatifu wa zamani walikuwa na dini? MATENDO 11:26 “Hata alipokwisha kumwona akamleta Antiokia, ikawa kwa muda wa mwaka mzima wakakusanyika pamoja na kanisa na kuwafundisha watu wengi. Na wanafunzi waliitwa Wakristo kwanza hapo Antiokia”. Hiki ndicho kitu ambacho kinahitajika kwa sasa katika dini na madhehebu pasipo kujali huyu anaabudu siku gani au huyu anabatizwa kwa ubatizo gani au anatumia utaratibu gani au mfumo gani katika kuwasilisha haja zake mbele za Mungu. Kwasababu haijalishi unatumia utaratibu gani au mfumo gani katika kupeleka haja yako mbele za Mungu lakini haja zote humfikia Mungu mmoja tu.

     Lakini swali bado linabaki kuwa DINI ILIYO SAFI NI IPI? YAKOBO 1:27 “Dini iliyo safi, isiyo na taka mbele za Mungu Baba ni hii, kwenda kuwatazama yatima na wajane katika dhiki yao, na kujilinda na dunia pasipo na mawaa”. Kinachotakiwa ndicho hicho vikiambatana na kuwa na neno la Kristo na kulitii.

    Wito wa Mungu kwetu sote ni kutuita sote twende kwake na si kutuita kwa majina ya dini au dhehebu maana yake haijalishi tumeshikilia dini au dhehebu kwa namna gani lakini Mungu anatuita kwa mwito mmoja na sote makao yetu ni pamoja tu. MATHAYO 11:28 “Njoni kwangu, ninyi nyote msumbukao na kulemewa na mizigo, nami nitawapumzisha”. Na pia katika YOHANA 10:10 anasema “Mwivi haji ili aibe na kuchinja na kuharibu, mimi nalikuja ili wawe na uzima, kisha wawe nao tele”. Maana yake tunatakiwa kukimbilia kwa Yesu na sio kuukimbilia Dini na hapo ndipo wanadamu wengi tuliporudi nyuma kiimani kwa sababu ya kushikilia dini na kusahau kuwa katika dini kuna UTARATIBU au KANUNI na kumbe kusudi la Mungu sio utaratibu au kanuni za dini bali anachotaka Mungu ni kushika KUSUDI lake alilolileta kwa mwanadamu kupitia mwanae Yesu Kristo, soma YOHANA 10:27 “Kondoo wangu waisikia sauti yangu; nami nawajua, nao wanifuata”. 


     Na hapo ndipo ambapo wanadamu wengi tunafika kipindi tunaishi kwa utabiri wa nabii Isaya katika MATHAYO 15:7-9 “Enyi wanafiki ni vema alivyotabiri Isaya kwa habari zenu, akisema, watu hawa huniheshimu kwa midomo; Ila mioyo yao iko mbali nami. Nao waniabudu bure, Wakifundisha Mafundisho yaliyo ya wanadamu”. Maana yake hicho ndicho kilichopo katika dini imefika wakati tunafundishana utaratibu na kanuni ambazo wanadamu wameziweka na sio ule utaratibu wa Mungu. Hivyo ndugu yangu tambua ya kuwa katika dini yamejaa maagizo ya wanadamu.

    Swali: je! ni vibaya kuwa na dini? La hasha! Dini zinatusaidia kupata mafundisho kutoka kwa waalimu, wachungaji, wainjilisti n.k yaani tunaweza kusema dini ni chanzo cha mwanadamu kujua karama yake na kuitumia/kuitumikia kwa kumzalia Mungu matunda.

   Biblia inasema katika HOSEA 4:6 “Watu wangu wanaangamizwa kwa kukosa maarifa;kwa kuwa wewe umeyakataa maarifa, mimi nami nitakukataa wewe, usiwe kuhani kwangu mimi, kwa kuwa umeisahau sheria ya Mungu wako; mimi nami nitawasahau watoto wako”.

MUNGU Awabariki na azidi kuibariki kazi yake idumu milele hata ukamilifu wa Dahari.

Karibu kwa maoni na maswali.


Comments

Post a Comment

Popular posts from this blog

NGUVU ILIYOPO KATIKA NENO LA MUNGU

Image
NGUVU ILIYOPO KATIKA NENO LA MUNGU    Karibu ndugu msomaji katika mfululizo wa masomo haya ya kibiblia kwa kutembelea www.injilikamiliyayesu.blogspot.com au facebook page “Injili Kamili YA YESU” ili kujifunza masomo mengi zaid ya Kimungu. Nakukaribisha katika somo hili jipya kwaajili ya kujifunza machache haya ambayo Mungu amenipa kibali kuyaachilia kwako kupitia kichwa cha somo kinachosema “ NGUVU ILIYOPO KATIKA NENO LA MUNGU ”.  Tuanze na kutafakari maana Kamili ya neno kibiblia.     Neno ni ujumbe wa Mungu ambao unaotumika na mwanadamu kwaajili ya kumfundisha na kumwongoza mwanadamu kuishi maisha matakatifu ya kumtafuta Mungu. Sambamba na kwamba neno la Mungu limehifadhiwa na mwanadamu kwa njia ya mandishi lakini kutokana na kukua kwa teknolojia hadi kwa njia ya sauti hili neno limehifadhiwa pia.     S asa basi neno hili ndilo ambalo Mungu ametupa kama sehemu ya msingi au njia ya mwanadamu kutatua matatizo yake kwa k...
Read more

KIJANA NA USAFI WA MAISHA YA KIKRISTO

Image
KIJANA NA USAFI WA MAISHA YA KIKRISTO. UTANGULIZI:        Nakukaribisha msomaji katika tafakari ya somo jingine linalohusu kijana na maisha ya kikristo ni jinsi gani kijana aishi maisha Matakatifu kama inavyompendeza Mungu na si kuwafurahisha tu wanadamu katika maisha yetu tukimchukiza MUNGU.     Kristo ni mpakwa mafuta. Ambaye ni tofauti na watu wengine. Sasa basi Ukiwa kama kijana wa kikristo ambaye umebatizwa kwa Roho Mtakatifu ndani mwako na si tu kwa ishara ya Wanadamu ya nje tambua kuwa Mungu amekuweka kwa kusudi lake kama mpakwa mafuta umzalie matunda kwa njia ya Kristo YESU.  WARUMI 7:4 “Kadhalika, ndugu zangu, ninyi pia mmeifia torati, kwa njia ya mwili wa Kristo, mpate kuwa mali ya mwingine, yeye aliyefufuka katika wafu, kusudi tumzalie Mungu matunda”.      Hivyo basi ili kijana wa Kijana wa kikristo awe katika viwango vya usafi wa maisha ya kiroho lazima kufuata na kutafakari neno hili...
Read more

WAJIBU WA KIONGOZI {P2}

Image
WAJIBU WA KIONGOZI KIBIBLIA {P2}.   2 TIMOTHEO 2:14-16 “Uwakumbushe mambo hayo, ukiwaonya machoni pa Mungu, wasiwe na mashindano ya maneno, ambayo hayana faida, bali huwaharibu wasikiao. Jitahidi kujionyesha kuwa umekubaliwa na Mungu, mtenda kazi asiyekuwa na sababu ya kutahayari, ukitumia kwa halali neno la kweli. Jiepushe na maneno yasiyo na maana, ambayo si ya dini; kwa kuwa wataendelea zaidi katika maovu,”     Katika mistari hiyo tunajifunza wajibu wa kiongizi kama ifuatavyo:-       i.   Kiongozi lazima awe hodari. Yaani kuwa jasiri katika kuwakumbusha watu kweli ya Mungu “ukiwaonya machoni pa Mungu” katika kuonya wewe kama kiongozi unahitaji kuondoa Roho ya hofu, mashaka na wasiwasi katika kutoa ushauri ulio sahihi .   ii.  Kama kiongozi ni lazima usimamie kweli na maadili kwa uhodari mkuu. Ukiwa kama kiongozi umepewa neon la Mungu kama katiba au dira katika kufanya maamuzi hivyo katika kusimia kweli ya Mu...
Read more