TUMIA MAOMBI KAMA SILAHA.



TUMIA MAOMBI KAMA SILAHA:

       BWANA Yesu asifiwe!!!!!!!!

   Nawakaribisha katika somo hili la “KUTUMIA MAOMBI KAMA SILAHA” kama ilivyonenwa katika

 WAEFESO 6:12 “Kwa maana kushindana kwetu sisi si juu ya damu na nyama;bali ni juu ya falme na mamlaka, juu ya wakuu wa giza hili, juu ya pepo wabaya katika ulimwengu wa Roho”

   Maana yake vita tuliyonayo sisi Wakristo si katika mwili bali ni katika Roho maana yake kama vita vyetu vingekuwa ni vya mwili tungeandaa mapanga, visu, mashoka, bunduki, mishale na kila aina ya silaha za mwili. Lakini kwa sababu vita tulivyonavyo ni vya Roho ni lazima tutumie silaha za Rohoni ili kushinda vita hiyo maana silaha za mwili hazitatufaa kitu.

    Sasa kwa maana hiyo lazima tujue kuwa kama wapiganao vita vya mwili hutumia silaha tofauti tofauti na zenye uwezo tofauti kama SMG… hata sisi tulio na vita vya rohoni tunatakiwa kuwa na SMG… za Rohoni ili kuvipiga vita vilivyo vizuri.

  Ukisoma WAEFESO 6:11-13, 18.

  “Vaeni silaha zote za Mungu, mpate kuweza kuzipinga hila za Shetani. Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho. Kwa sababu hiyo twaeni silaha zote za Mungu, mpate kuweza kushindana siku ya uovu, na mkiisha kuyatimiza yote, kusimama”. 18 “kwa sala zote na maombi mkisali kila wakati katika Roho, mkikesha kwa jambo hilo na kudumu katika kuwaombea watakatifu wote;”

  Biblia katika kitabu hiki inatuonyesha kuwa tuvae silaha zote za MUNGU  maana yake Mungu ndiye mwenye Roho wa kutusaidia katika vita yetu na Biblia ipo wazi kwamba tukisha vaa silaha hizo ndipo tutaweza kuzipinga hila za shetani maana yake shetani hutujia kwa hila hivyo kama hatuna silaha za Rohoni hatutaweza kushinda hila hizo. Sasa ebu tuangalie silaha ya maombi kama Biblia inavyosema katika mstari wa 18.

    Maombi ni silaha ambayo inaweza kutusaidia katika kuzishinda hila za shetani lakini maombi hayo ni lazima tuombe kila wakati maana yake maombi tunayoomba kila wakati ndiyo ya kutusaidia katika kufanya ulinzi wa kupinga hila za shetani.

    MATHAYO 6:6

“Bali wewe usalipo, ingia katika chumba chako cha ndani, na ukiisha kufunga mlango wako, usali mbele za Baba yako aliye sirini; na Baba yako aonaye sirini atakujazi.”

  MAOMBI ni mfumo wa kupeleka mahitaji yako mbele ya mtu ambaye unajua kuwa anaweza kuwa msaada kwako. Hivyo ili kupeleka maombi yetu kwa Mungu ni lazima yaambatane na sala. Sala huu ni mfumo wa kupeleka mahitaji yetu mbele za Mungu kwahiyo huwezi kupeleka  mahitaji yako mbele za Mungu bila sala. Sasa kwa wanadamu huwa wanahitaji barua ambayo ina kuwa na vipengele vyake. Na Mungu ameweka mfumo wa sala ambao una vipengele vyake ili kukamilisha maombi yako. Vipengele hivyo ni:-
           i.            Kuingia katika chumba cha ndani.
Katika kipengele hiki ni kuandaa mazingira ya kutengeneza utayari wa kwamba unaenda kuzungumza na Mungu ili kuondoa moyo wako na nafsi kuingiliwa na hisia nyingine zozote za kuvuruga mpangilio wako wa maombi.

         ii.            Kufunga mlango wako.
Maana yake ni kuziteka fahamu, hisia, akili na kumbukumbu zako ya kwamba unakwenda kuzungumza na Mungu. Hivyo kuwa katika mazingira pia ambayo yatakufanya uwe katika hali nzuri ya kuzungumza na Mungu maana yake hakuna hata hali au kelele zitakazo kufanya uache kuzungumza na Mungu.

         iii.            Kusali na baba yako aonaye sirini akujaze.
Hapa sasa ndio wakati ambao katika barua tungesema ni sehemu ya lengo la barua. Maana yake umesha yatengeneza mazingira ya utangulizi katika ulimwengu wa Roho  sasa unaanza kutiririka juu ya maombi na kupokea wakati huohuo katika ulimwengu wa Roho.

    Kwahiyo maombi yoyote ili yaweza kusikiwa na Mungu hutegemea sana mfumo au mtiririko au utaratibu au mpangilio au njia ulizotumia katika kuyawasilisha mbele za Mungu. Kama ambavyo katika barua ilivyotofauti barua ya kazi na barua ya kirafiki ndivyo ilivyo tofauti katika kuomba mbele za Mungu na kuomba kwa wanadamu wenzetu.


   Naomba kwa leo niishie hapa tutaendelea muda mwingine. Nakaribisha maoni. ila kwa masomo zaidi tembelea www.injilikamiliyayesu.blogspot.com au facebook page “Injili Kamili YA YESU”

 
Location: Njombe - Ludewa Rd, Tanzania

Comments

Post a Comment

Popular posts from this blog

NGUVU ILIYOPO KATIKA NENO LA MUNGU

Image
NGUVU ILIYOPO KATIKA NENO LA MUNGU    Karibu ndugu msomaji katika mfululizo wa masomo haya ya kibiblia kwa kutembelea www.injilikamiliyayesu.blogspot.com au facebook page “Injili Kamili YA YESU” ili kujifunza masomo mengi zaid ya Kimungu. Nakukaribisha katika somo hili jipya kwaajili ya kujifunza machache haya ambayo Mungu amenipa kibali kuyaachilia kwako kupitia kichwa cha somo kinachosema “ NGUVU ILIYOPO KATIKA NENO LA MUNGU ”.  Tuanze na kutafakari maana Kamili ya neno kibiblia.     Neno ni ujumbe wa Mungu ambao unaotumika na mwanadamu kwaajili ya kumfundisha na kumwongoza mwanadamu kuishi maisha matakatifu ya kumtafuta Mungu. Sambamba na kwamba neno la Mungu limehifadhiwa na mwanadamu kwa njia ya mandishi lakini kutokana na kukua kwa teknolojia hadi kwa njia ya sauti hili neno limehifadhiwa pia.     S asa basi neno hili ndilo ambalo Mungu ametupa kama sehemu ya msingi au njia ya mwanadamu kutatua matatizo yake kwa k...
Read more

KIJANA NA USAFI WA MAISHA YA KIKRISTO

Image
KIJANA NA USAFI WA MAISHA YA KIKRISTO. UTANGULIZI:        Nakukaribisha msomaji katika tafakari ya somo jingine linalohusu kijana na maisha ya kikristo ni jinsi gani kijana aishi maisha Matakatifu kama inavyompendeza Mungu na si kuwafurahisha tu wanadamu katika maisha yetu tukimchukiza MUNGU.     Kristo ni mpakwa mafuta. Ambaye ni tofauti na watu wengine. Sasa basi Ukiwa kama kijana wa kikristo ambaye umebatizwa kwa Roho Mtakatifu ndani mwako na si tu kwa ishara ya Wanadamu ya nje tambua kuwa Mungu amekuweka kwa kusudi lake kama mpakwa mafuta umzalie matunda kwa njia ya Kristo YESU.  WARUMI 7:4 “Kadhalika, ndugu zangu, ninyi pia mmeifia torati, kwa njia ya mwili wa Kristo, mpate kuwa mali ya mwingine, yeye aliyefufuka katika wafu, kusudi tumzalie Mungu matunda”.      Hivyo basi ili kijana wa Kijana wa kikristo awe katika viwango vya usafi wa maisha ya kiroho lazima kufuata na kutafakari neno hili...
Read more

WAJIBU WA KIONGOZI {P2}

Image
WAJIBU WA KIONGOZI KIBIBLIA {P2}.   2 TIMOTHEO 2:14-16 “Uwakumbushe mambo hayo, ukiwaonya machoni pa Mungu, wasiwe na mashindano ya maneno, ambayo hayana faida, bali huwaharibu wasikiao. Jitahidi kujionyesha kuwa umekubaliwa na Mungu, mtenda kazi asiyekuwa na sababu ya kutahayari, ukitumia kwa halali neno la kweli. Jiepushe na maneno yasiyo na maana, ambayo si ya dini; kwa kuwa wataendelea zaidi katika maovu,”     Katika mistari hiyo tunajifunza wajibu wa kiongizi kama ifuatavyo:-       i.   Kiongozi lazima awe hodari. Yaani kuwa jasiri katika kuwakumbusha watu kweli ya Mungu “ukiwaonya machoni pa Mungu” katika kuonya wewe kama kiongozi unahitaji kuondoa Roho ya hofu, mashaka na wasiwasi katika kutoa ushauri ulio sahihi .   ii.  Kama kiongozi ni lazima usimamie kweli na maadili kwa uhodari mkuu. Ukiwa kama kiongozi umepewa neon la Mungu kama katiba au dira katika kufanya maamuzi hivyo katika kusimia kweli ya Mu...
Read more