KIJANA NA USAFI WA MAISHA YA KIKRISTO



KIJANA NA USAFI WA MAISHA YA KIKRISTO.
UTANGULIZI:

       Nakukaribisha msomaji katika tafakari ya somo jingine linalohusu kijana na maisha ya kikristo ni jinsi gani kijana aishi maisha Matakatifu kama inavyompendeza Mungu na si kuwafurahisha tu wanadamu katika maisha yetu tukimchukiza MUNGU. 

   Kristo ni mpakwa mafuta. Ambaye ni tofauti na watu wengine. Sasa basi Ukiwa kama kijana wa kikristo ambaye umebatizwa kwa Roho Mtakatifu ndani mwako na si tu kwa ishara ya Wanadamu ya nje tambua kuwa Mungu amekuweka kwa kusudi lake kama mpakwa mafuta umzalie matunda kwa njia ya Kristo YESU. 
WARUMI 7:4 “Kadhalika, ndugu zangu, ninyi pia mmeifia torati, kwa njia ya mwili wa Kristo, mpate kuwa mali ya mwingine, yeye aliyefufuka katika wafu, kusudi tumzalie Mungu matunda”.

     Hivyo basi ili kijana wa Kijana wa kikristo awe katika viwango vya usafi wa maisha ya kiroho lazima kufuata na kutafakari neno hili.

1THESALONIKE 4:1-8
      "Iliyobaki, ndugu, tunakusihini na kuwaonya kwamba mwenende katika Bwana Yesu; kama mlivyopokea kwetu jinsi iwapasavyo kuenenda na kumpendeza Mungu, kama nanyi mnavyoenenda, vivyo hivyo mpate kuzidi sana. Kwa kuwa mnajua ni maagizo gani tuliyowapa kwa Bwana Yesu. Maana haya ndiyo mapenzi ya Mungu, kutakaswa kwenu, mwepukane na uasherati; kila mmoja wenu ajue kuuweza mwili wake katika utakatifu na heshima; si katika hali ya tamaa mbaya, kama Mataifa wasiomjua Mungu. Mtu asimpunje ndugu yake wala kumkosa katika jambo hili; kwa sababu Bwana ndiye alipizaye kisasi cha haya yote; kama tulivyowaambia kwanza, tukashuhudia sana. Maana Mungu hakutuitia uchafu, bali tuwe katika utakaso. Basi yeye anayekataa, hakatai mwanadamu bali Mungu, anayewapa ninyi Roho wake Mtakatifu".

i.                    Kijana wa Kikristo lazima aweke mipaka ya ukuaji wake.

      Ukisoma katika mstari wa kwanza unaonesha kuwa Mkristo ni lazima aenende katika Bwana Yesu maana yake lazima kuwe na mpaka/utofauti kati ya kijana wa Kikristo na kijana asiye wa Kikristo. Si kwamba kama kijana asiyemwamini Yesu Kristo anakuwa Mlevi, Mzinzi, Mwasherati, Mwizi, Mwongo n.k. lakini na wewe kijana wa kikristo ukaonekana unayafanya haya bado utaonekana ndani mwako hakuna kweli ya Kristo.

ii.                  Kusudi la Mungu kijana wa Kikristo atakaswe.

     1THESALONIKE 4:3
  “Maana haya ndiyo mapenzi ya Mungu, kutakaswa kwenu, mwepukane na uasherati;”

Uasherati ni kufanya tendo la ngono kwa mtu au kijana ambaye hajaoa au kuolewa ambayo ni tofauti pia na uzinzi ambao mtu anafanya tendo la ngono akiwa ameolewa au kuoa na mtu ambaye siye mke au mme wake. My dear vijana wengi shetani ametushikilia kwenye suala hili la uasherati maana miili yetu inawaka kwa kuukimbilia uasherati hata tukashindwa kuweka usafi wa mwili na ROHO zetu na kumkosea MUNGU wetu.

iii.                Kijana wa Kikristo ni lazima ajue kuutunza mwili wake.

    1THESALONIKE 4:4
     “kila mmoja wenu ajue kuuweza mwili wake katika utakatifu na heshima;”

  Vijana wa Kikristo ni wale wanaoweza kuimudu miili yao ambapo inakuwa inawaka tamaa ya uasherati hivyo ndivyo Biblia inavyosema kwamba kuuweza mwili yaani kuhakikisha unaweza kuongoza mwili na sio mwili kukuongoza. Lakini hili pia haliwezekani kama kijana wa kikristo hajatambua thamani ya mwili wake. Jiulize kama kijana wa kikristo mwili wako una thamani gani? Maana kuna vijana wamethaminisha miili yao na chipsi, soda, nguo, pombe n.k. lakini jua ya kwamba hakuna kitu cha thamani kuufikia mwili wako zaidi ya damu ya Yesu Kristo.

iv.                Mungu anataka Vijana wa Kikristo tusiharibiwe katika suala la mahusiano.

    1THESALONIKE 4:7-8
    “Maana Mungu hakutuitia uchafu, bali tuwe katika utakaso. Basi yeye anayekataa, hakatai mwanadamu bali Mungu, anayewapa ninyi Roho wake Mtakatifu".

Mungu anamtaka kijana wa Kikristo kuishi maisha ya kuendelea kuwa mtakatifu na kuto kumkosea Mungu ndio maana katika kitabu cha warumi anasema tumeitwa ili tumzalioe Mungu matunda na ukisoma katika aya hii ya saba inasema hatujaitiwa uchafu bali tuishi katika hali ya utakatifu yaani utakaso. Mungu alijua kabisa kwamba mwanadamu peke yake hawezi kuishi katika hali hiyo ya utakaso ndio maana akaweka amri kumi. Lengo la amri zake Mungu ni kutulinda na kutupa mahitaji tunayoyahitaji kwa wakati sahihi.

NB. MOYO SAFI KWA MWANZO MPYA.
v  Pamoja na kufanya Dhambi au maovu mengi lakini MUNGU anaweza kukusamehe na kukufanya mpya

NOTE. MAISHA MAPYA YA KIKRISTO.
v  Maisha mapya ya mahusiano ya kikristo ni kumpenda Kristo kwanza. DANIELI 1:8.



Comments

Post a Comment

Popular posts from this blog

NGUVU ILIYOPO KATIKA NENO LA MUNGU

Image
NGUVU ILIYOPO KATIKA NENO LA MUNGU    Karibu ndugu msomaji katika mfululizo wa masomo haya ya kibiblia kwa kutembelea www.injilikamiliyayesu.blogspot.com au facebook page “Injili Kamili YA YESU” ili kujifunza masomo mengi zaid ya Kimungu. Nakukaribisha katika somo hili jipya kwaajili ya kujifunza machache haya ambayo Mungu amenipa kibali kuyaachilia kwako kupitia kichwa cha somo kinachosema “ NGUVU ILIYOPO KATIKA NENO LA MUNGU ”.  Tuanze na kutafakari maana Kamili ya neno kibiblia.     Neno ni ujumbe wa Mungu ambao unaotumika na mwanadamu kwaajili ya kumfundisha na kumwongoza mwanadamu kuishi maisha matakatifu ya kumtafuta Mungu. Sambamba na kwamba neno la Mungu limehifadhiwa na mwanadamu kwa njia ya mandishi lakini kutokana na kukua kwa teknolojia hadi kwa njia ya sauti hili neno limehifadhiwa pia.     S asa basi neno hili ndilo ambalo Mungu ametupa kama sehemu ya msingi au njia ya mwanadamu kutatua matatizo yake kwa k...
Read more

WAJIBU WA KIONGOZI {P2}

Image
WAJIBU WA KIONGOZI KIBIBLIA {P2}.   2 TIMOTHEO 2:14-16 “Uwakumbushe mambo hayo, ukiwaonya machoni pa Mungu, wasiwe na mashindano ya maneno, ambayo hayana faida, bali huwaharibu wasikiao. Jitahidi kujionyesha kuwa umekubaliwa na Mungu, mtenda kazi asiyekuwa na sababu ya kutahayari, ukitumia kwa halali neno la kweli. Jiepushe na maneno yasiyo na maana, ambayo si ya dini; kwa kuwa wataendelea zaidi katika maovu,”     Katika mistari hiyo tunajifunza wajibu wa kiongizi kama ifuatavyo:-       i.   Kiongozi lazima awe hodari. Yaani kuwa jasiri katika kuwakumbusha watu kweli ya Mungu “ukiwaonya machoni pa Mungu” katika kuonya wewe kama kiongozi unahitaji kuondoa Roho ya hofu, mashaka na wasiwasi katika kutoa ushauri ulio sahihi .   ii.  Kama kiongozi ni lazima usimamie kweli na maadili kwa uhodari mkuu. Ukiwa kama kiongozi umepewa neon la Mungu kama katiba au dira katika kufanya maamuzi hivyo katika kusimia kweli ya Mu...
Read more