WAJIBU WA KIONGOZI (P3)

WAJIBU WA KIONGOZI KIBIBLIA (P3)


Ndugu msomaji katika somo lililopita sehemu ya kwanza na ya pili tuliangalia wajibu wa kiongozi kibiblia, na jinsi gani kiongozi wa KIMUNGU awe, vitu anavyoweza kufanya na asivyoweza kufanya kama hukubahatika kusoma sehemu ya kwanza bofya “http://injilikamiliyayesu.blogspot.com/2017/08/jina-la-bwana-lisifiwe-ndugu-msomaji.html” na kama hukusoma sehemu ya pili bofya “http://injilikamiliyayesu.blogspot.com/2017/09/wajibu-wa-kiongozi-p2.html”  Lakini katika mwendelezo wa somo hili leo nataka tuangalie kitu kingine juu ya kiongozi kibiblia ambacho kinakuhusu wewe na mimi kama viongozi ambao tumepewa mamlaka ya kuvitiisha viumbe vyote chini ya jua. MWANZO 1:26-27

Somo hilo ni “MAZINGIRA YA KIONGOZI WA KIROHO/KIMUNGU”.

  Kutokana na somo hili Mungu ametupa kibali cha kumiliki kila aina ya kiumbe kilichopo duniani yaani hata wanadamu wenzetu. Maana yake jinsi ulivyo ni kiongozi yaweza kuwa katika familia, katika jamii, katika ukoo au namna nyingine yoyote wewe ni kiongozi. Ila tambua kuwa katika kuongoza kwako haijalishi utapitia yepi? Jua Mungu amekuweka ili usipoteze hata kimoja katika mamlaka aliyokupa. 

YOHANA 18:4-9

 “Basi Yesu, hali akijua yote yatakayompata, akatokea, akawaambia, Ni nani mnayemtafuta? Wao wakamjibu, Ni Yesu Mnazareti. Yesu akawaambia, Ni mimi. Yuda naye aliyemsaliti alikuwa amesimama pamoja nao. Basi alipowaambia, Ni mimi, walirudi nyuma, wakaanguka chini. Basi akawauliza tena, Mnamtafuta nani? Wakasema, Yesu Mnazareti. Yesu akajibu, Nimekwisha kuwaambieni ya kwamba ni mimi; basi ikiwa mnanitafuta mimi, waacheni hawa waende zao. Ili litimizwe lile neno alilolisema, Wale ulionipa sikumpoteza hata mmoja wao”.

   Katika mazingira hayo tunaona Yesu jinsi alivyo kubali hata kuingia katika mateso ili tu asipoteze kile alichokabidhiwa na Mungu mwenyewe. Swalik je! Kile ambacho Mungu alikukabidhi bado unacho? Maana wengi tumepoteza hata utu wetu kwa kuitamani dunia ikiwemo tama ya pesa leo hii huna thamani tena je! Kama umepoteza thamani yako tu vitu ulivyo kabidhiwa vitakuwa salama? Jibu ni hapana.

    Lakini hebu tusome KUTOKA 3.1 “Basi huyo Musa alikuwa akilichunga kundi la Yethro mkwewe, kuhani wa Midiani; akaliongoza kundi nyuma ya jangwa, akafika mpaka mlima wa Mungu, hata Horebu”. Sasa kupitia kifungu hicho tujifunze mazingira ambayo kiongozi wetu wa mfanoMUSA alipitia sambamba na kwamba aliamza kwa safari ya kuongoza kundi la YETHRO na baadae hadi Mungu akampandisha thamani kwenda kuongoza wana wa Israeli.

    Mambo ya kujifunza ni haya yafuatayo:-

         i.            Kuwavusha watu na kufika nyuma ya mlima yaani kuto wapitisha watu katika mazingira magumu kwa njia ya kumshirikisha Mungu.
Jangwa ni matatizo katika kuongoza, vikwazo katika kuongoza au mazingira magumu katika uongozi.
       ii.            Kama kiongozi unahitaji kuwa mfano au kielelezo kwa wengine (role model).
Kwa mfano, kuna vitu wewe unavyo wengine hawana
            Kuna vitu ambavyo wengine wanavifanya wewe hupaswi kuvifanya.
            Kuna vitu ambavyo wengine wanashabikia wewe hupaswi kushabikia.
            Kuna vitu vizuri vya Kimungu ambavyo unatakiwa uvifanye ili wenginewatamani kuiga kutoka kwako.
1TIMOTHEO 4:11-13

    “Mambo hayo uyaagize na kuyafundisha. Mtu awaye yote asiudharau ujana wako, bali uwe kielelezo kwao waaminio, katika usemi na mwenendo, na katika upendo na imani na usafi. Hata nitakapokuja, ufanye bidii katika kusoma na kuonya na kufundisha”.

  Biblia inatukumbusha kuwa tufanye bidii katika kufundisha na sisi wenyewe kuwa kielelezo katika mambo haya yafuatayo:-
            Usemi
                        Maana yake maneno ambayo unaongea na watu na ubora uliobeba uongozi wa Roho Mtakatifu.
            Mwenendo
                        Tabia na Matendo lazima yawe kama kiongozi wa Kimungu
            Usafi
                        Kiongozi lazima awe msafi wa kimwili na Roho kuanzia mavazi yake, mwili wake mpaka usafi wa Roho yake binafsi. MUNGU ATUSAIDIE. 

NB: MUSA pamoja na kwamba YETHRO mkwewe alimwona kama mtu wa kuchunga kundi la wanyama wake hadi nyuma ya mlima mtakatifu wa Mungu, lakini Mungu bado alimwona kuwa yeye ni kiongozi wa kuwatoa wana wa Israeli mikononi mwa mateso ya Farao. KUTOKA 3:1-10.


Usiangalie wanadamu wana kuonaje lakini mwangalie Mungu anakuonaje HATA WEWE NI KIONGOZI!!!!!!!!!!!
TEMBELEA page yangu ya FACEBOOK “Injili Kamili Ya YESU” Whatsup namba +255658443473 na private call +255766966930 

.............................MWISHO.........................
 
Location: Mlangali -Milo Rd, Tanzania

Comments

Post a Comment

Popular posts from this blog

NGUVU ILIYOPO KATIKA NENO LA MUNGU

Image
NGUVU ILIYOPO KATIKA NENO LA MUNGU    Karibu ndugu msomaji katika mfululizo wa masomo haya ya kibiblia kwa kutembelea www.injilikamiliyayesu.blogspot.com au facebook page “Injili Kamili YA YESU” ili kujifunza masomo mengi zaid ya Kimungu. Nakukaribisha katika somo hili jipya kwaajili ya kujifunza machache haya ambayo Mungu amenipa kibali kuyaachilia kwako kupitia kichwa cha somo kinachosema “ NGUVU ILIYOPO KATIKA NENO LA MUNGU ”.  Tuanze na kutafakari maana Kamili ya neno kibiblia.     Neno ni ujumbe wa Mungu ambao unaotumika na mwanadamu kwaajili ya kumfundisha na kumwongoza mwanadamu kuishi maisha matakatifu ya kumtafuta Mungu. Sambamba na kwamba neno la Mungu limehifadhiwa na mwanadamu kwa njia ya mandishi lakini kutokana na kukua kwa teknolojia hadi kwa njia ya sauti hili neno limehifadhiwa pia.     S asa basi neno hili ndilo ambalo Mungu ametupa kama sehemu ya msingi au njia ya mwanadamu kutatua matatizo yake kwa k...
Read more

KIJANA NA USAFI WA MAISHA YA KIKRISTO

Image
KIJANA NA USAFI WA MAISHA YA KIKRISTO. UTANGULIZI:        Nakukaribisha msomaji katika tafakari ya somo jingine linalohusu kijana na maisha ya kikristo ni jinsi gani kijana aishi maisha Matakatifu kama inavyompendeza Mungu na si kuwafurahisha tu wanadamu katika maisha yetu tukimchukiza MUNGU.     Kristo ni mpakwa mafuta. Ambaye ni tofauti na watu wengine. Sasa basi Ukiwa kama kijana wa kikristo ambaye umebatizwa kwa Roho Mtakatifu ndani mwako na si tu kwa ishara ya Wanadamu ya nje tambua kuwa Mungu amekuweka kwa kusudi lake kama mpakwa mafuta umzalie matunda kwa njia ya Kristo YESU.  WARUMI 7:4 “Kadhalika, ndugu zangu, ninyi pia mmeifia torati, kwa njia ya mwili wa Kristo, mpate kuwa mali ya mwingine, yeye aliyefufuka katika wafu, kusudi tumzalie Mungu matunda”.      Hivyo basi ili kijana wa Kijana wa kikristo awe katika viwango vya usafi wa maisha ya kiroho lazima kufuata na kutafakari neno hili...
Read more

WAJIBU WA KIONGOZI {P2}

Image
WAJIBU WA KIONGOZI KIBIBLIA {P2}.   2 TIMOTHEO 2:14-16 “Uwakumbushe mambo hayo, ukiwaonya machoni pa Mungu, wasiwe na mashindano ya maneno, ambayo hayana faida, bali huwaharibu wasikiao. Jitahidi kujionyesha kuwa umekubaliwa na Mungu, mtenda kazi asiyekuwa na sababu ya kutahayari, ukitumia kwa halali neno la kweli. Jiepushe na maneno yasiyo na maana, ambayo si ya dini; kwa kuwa wataendelea zaidi katika maovu,”     Katika mistari hiyo tunajifunza wajibu wa kiongizi kama ifuatavyo:-       i.   Kiongozi lazima awe hodari. Yaani kuwa jasiri katika kuwakumbusha watu kweli ya Mungu “ukiwaonya machoni pa Mungu” katika kuonya wewe kama kiongozi unahitaji kuondoa Roho ya hofu, mashaka na wasiwasi katika kutoa ushauri ulio sahihi .   ii.  Kama kiongozi ni lazima usimamie kweli na maadili kwa uhodari mkuu. Ukiwa kama kiongozi umepewa neon la Mungu kama katiba au dira katika kufanya maamuzi hivyo katika kusimia kweli ya Mu...
Read more